Header_Tuer
Quelle: Kirchengemeinde Hesel

Schützenfest Hesel 2017

Nachricht 01. September 2017
Quelle: Kirchengemeinde Hesel

30 Jahr plattdütsk Kark bi` t Schützenfest Vull was de Saal as an 15. Juli Elske Oltmanns, Patorske in Bagband predigt hett. De Bliedskupp in‘t Gloov was hör Böskup. Uns Gott, kickt nich blot, wat de Minsken wall all so ver-kehrt maken. Nee he is ok bi de Minksen, wen se sük frein un tosamen fieren. Disse Bliedskupp in Gloov was ok in de Saal bi de Gottsdeenst to föhlen. Hör Andeel daraan harren besünners ok de twee Chooren. Siet 30 Jahr bi jeden Gotts-deenst vant Fest daarbie is uns Posaunenchor. För disse tro Stön hett sük de Schützenvereen mit´n lütjen Goodschien bedankt. De tweede Choor sung as erste Lied „Halleluja“ un denn noch een tweede Lied up Tigrinya, dat kunn nich elk in´t Saal verstahn, avers sehn kunn eelk un een, mit wat för een Bliedskupp de junge Lüü van Gott sungen Se leven siet good twee Jahr in Samtgemeen. Se sünd Flüchtlinge un hebben up de Flucht haast all verloren. Nich verloren hebben se hör faste Gloov an Gott. Hör Kark nömt sük eritreisch-orthodox un de Lithurgie is all wat anners as uns. In Firrel fieren se hör Gottsdeensten saterdags in de Andreaskark, avers se bünd ok gern bi uns Gottsdeensten mit daarbi. Up Hochdütsk heet dat wall Ökumene. Up Platt kann man dat ok mit son Upstallsboom Maneerför‘ t Kark verglieken. De christliche Karken hebben verscheden Riegen wo se hör Gottsdeensten fieren, avers all tosamen eens waar dat up an geiht: Bliedskupp in‘t Gloov. Disse Bliedskupp fieren wi nu ok all 30 Jahr in de Gottsdeensten bi`t Schützenfest. Walter Luiking harr de Gedank un Pastor Wolthoff wass dar futt mit för. An twalvden Juli 1987 hett Pastor Hafermann ut Leer predigt un in‘ t Karkenbladd stunn, dat disse erste Kark futt best annohmen worden is. Un wider heetde dat ,,Es wurde spürbar, dass Kirche unterwegs ist, unterwegs in dieser Welt und unterwegs zu den Menschen.“ An End wurr fraagt: ,,Ob es bei diesem einen Gottesdienst bleiben muss?“ Vandaag weten wi, dat dat nich bi dit eenmaal bleven is. Ok na 30 Jahr is de Kark in Hesel an Schützenfestsöndag immer noch unerwegens to de Minsken un geiht immer up eens an: Bliedskupp in‘t Gloov.